Sawaal:
As'haab e Kahaf kis ke daur mein zinda honge aur kis ki ummat mein daakhil hokar Haj bhi karenge?

Jawaab:
Hazrat e Imam Mehdi ke daur mein zinda hokar Ummat e Muhammadi (Sallallahu Ta'ala Alaihi Wa Sallam)mein daakhil hokar Haj bhi karenge.

(Tafseer e Naeemi, jild 1, safa 793)

Sawaal:
Insaan ke sath jo shaitaan paida hota hai use kis naam se jaante hain?

Jawaab:
Insaan ke sath jo shaitaan paida hota hai use humzaad kehte hain aur usi ko log bhoot wagairah bhi kehte hain.

(Tafseer e Naeemi, jild 1, safa 674)

Sawaal:
Sab se pehle "ALLAHU AKBAR" kis ne kaha aur kis waqt kaha?

Jawaab:
Hazrat e Ibrahim Alaihis Salam ne Hazrat e Ismail Alaihis Salam ka Fidya dumbe ki shakl mein dekh kar kaha.

(Kya aap jaante hain ?, Safa 206)

Sawaal:
Hazrat e Nooh Alaihis Salam ne qaum ko kitne saal tak da'wat e Haq diya?

Jawaab:
950 saal tak.

(Para 12, ruku 3, ayat 1-4)