kaabe ke badrudduja

KA’ABE KE BADRUD’DUJA TUM PE CRORON DUROOD
(SALLALLAHU TA’ALA ALAIHI WA SALLAM)

AZ: SAYYADI A’LA HAZRAT ALAIHIR RAHMA
Ka’abe ke Badrud’duja Tum pe croron durood,
Taiba ke Shamsud’duha Tum pe croron durood.
Shaafe’ E Roz e Jaza Tum pe croron durood,
Daafe’ E Jumla Balaa Tum pe croron durood.
Jaan o Dile Asfiya Tum pe croron durood,
Aab o Gile Ambiya Tum pe croron durood.
Laaye to ye dusra,dusra jis ko mila,
Koshke Arsh o dana Tum pe croron durood.
Aur koi gaib kya Tum se nihaan ho bhala!
Jab na KHUDA hi chhupa Tum pe croron durood.
Toor pe jo Shama’ tha Chaand tha Saair ka,
Nayyare Faaraan hua Tum pe croron durood.
Dil karo thanda mera wo kafe pa chaand-sa,
Seene pe rakh do zara Tum pe croron durood.
Zaat hui intekhaab wasf huye la-jawaab,
Naam hua Mustafa Tum pe croron durood.
Gaayat o Illat sabab bahre jahaan Tum ho sab,
Tum se bana Tum bina Tum pe croron durood.
Tum se jahaan ki hayaat Tum se jahaan ka sabaat,
Asl se hai Zill bandha Tum pe croron durood.
Magz ho Tum aur post aur hain baahar ke dost,
Tum ho daroone saraa Tum pe croron durood.
Kya hain jo be-had hain Laus Tum ho to ho Gais o Gaus,
Chhinte mein hoga bhala Tum pe croron durood.
Tum ho Hafeez o Mugees kya hai wo dushman khabees!
Tum ho to phir khauf kya Tum pe croron durood.
Wo Shabe Me’raj Raj, Wo wasfe Mahshar ka Taj,
Koi bhi aisa hua Tum pe croron durood.
“ luhta falaahal falaah roohta faraahal maraah”,
“udliya-u-dalhana” Tum pe croron durood.
Jaan o jahaane Maseeh daad ke dil hai jareeh,
Nabzein chhutein dum chala Tum pe croron durood.
Uff! wo rah e Sanglaakh Aah! Ye pa shaakh-shaakh,
Aye mere Mushkil-Kusha Tum pe croron durood.
Tum se khula baab e jood Tum se hai sab ka wajood,
Tum se hai sab ki baqaa Tum pe croron durood.
Khasta hoon aur Tum ma’az , basta hoon aur Tum malaaz,
Aage jo Shah ki raza Tum pe croron durood.
Garche hain be-had qusoor Tum ho Afuww o Gafoor,
Bakhsh do jurm o khata Tum pe croron durood.
Mehre KHUDA noor noor dil hai siyaah din hai door,
Shab mein karo Chaandna Tum pe croron durood.
Tum ho Shaheed o Baseer aur main gunaah par diler,
Khol do chashme haya Tum pe croron durood.
Chhint Tumhari sahar Chhut tumhari qamar,
Dil mein racha do ziya Tum pe croron durood.
Tum se KHUDA ka zahoor Us se Tumhara zahoor,
“ Lim” hai ye Wo “ in” hua Tum pe croron durood.
Be-hunar o be-tameez kisko huye hain aziz,
Ek Tumhare siwa Tum pe croron durood.
Aas hai na paas, ek Tumhari hai aas,
Bas hai yahi aasra Tum pe croron durood.
Taarim e A’la ka Arsh jis Kaf e Pa ka hai farsh,
Aankhon pe rakh do zara Tum pe croron durood.
Kehne ko hain Aam o Khaas ek Tumhien ho Khalaas,
Band se kar do riha Tum pe croron durood.
Tum ho Shifa e Marz , khalq e KHUDA khud-garz,
Khalq ki haajat bhi kya Tum pe croron durood.
Aah! Wo raah e Siraat bandon ki kitni bisaat,
Al-Madad! Aye Rahnuma Tum pe croron durood.
Be-adab o bad-lihaaz , kar na saka kuchh hifaaz,
Afwu pe bhula raha Tum pe croron durood.
Lo tahe daaman ke shama’ jhonkon mein hai roz e jama’,
Aandhiyon se hashr utha Tum pe croron durood.
Seena ke hai daag-daag, keh do kare baag-baag,
Taiba se aakar Saba Tum pe croron durood.
Gesu o Qad “laam-alif” kar do balaa munsarif,
La ke tahe tegh e“ La” Tum pe croron durood.
Tum ne ba-range falaq jeb e jahaan karke shaq,
Noor ka tadka kiya Tum pe croron durood.
Naubat e dar hain falaq Khaadim e dar hain malak,
Tum ho jahaan Badshaah Tum pe croron durood .
Khalq Tumhari Jameel Khulq Tumhara Jaleel,
Khalq Tumhari gada Tum pe croron durood.
Taiba ke maahe tamaam jumla Rusul ke Imam,
Naushah E mulk e KHUDA Tum pe croron durood.
Tum se jahaan ka nizaam Tum pe croron salam,
Tum pe croron sana Tum pe croron durood.
Tum ho Jawwaad o Kareem Tum ho Rauf O Raheem,
Bhik ho Data ata Tum pe croron durood.
Khalq ke Haakim ho Tum Rizq ke Qaasim hoTum,
Tum se mila jo mila Tum pe croron durood.
Naafe’ o Daafe’ ho Tum Shaafe’ o Raafe’ ho Tum,
Tum se bas afzoon KHUDA Tum pe croron durood.
Shaafi o Naafi ho Tum Kaafi o Waafi ho Tum,
Dard ko kar do dawa Tum pe croron durood.
Jaayein na jab tak ghulaam Khuld hai sab par Haraam,
Mulk to hai Aap ka Tum pe croron durood.
Mazhar E HAQ ho Tumhien Muzhir E HAQ ho Tumhien,
Tum mein hai zaahir KHUDA Tum pe croron durood.
Zor e dah e naarsaan takiya gah e be-kasaan,
Badshah e Ma-wara Tum pe croron durood.
Barse karam ki bharan phoole n’am ke chaman,
Aisi chala do hawa Tum pe croron durood.
Ek taraf a’daa e Deen ek taraf haasideen,
Banda tanha hai Shaha Tum pe croron durood.
Kyun kahun be-kas hoon main kyun kahun be-bas hoon main,
Tum ho main Tum par fidaa Tum pe croron durood.
Gande nikamme kameen mehenge hon kaudi ke teen,
Kaun humein paalta Tum pe croron durood.
Baat na dar ke kahin ghaat na ghar ke kahin,
Aise Tumhien paalna Tum pe croron durood.
Aison ko ne’mat khilaao doodh ke shaarbat pilaao,
Aison ko aisi ghiza Tum pe croron durood.
Girne ko hon rok lo gota lage haath do,
Aison par aisi ata Tum pe croron durood.
Apne khatawaaron ko Apne hi daaman mein lo,
Kaun kare ye bhala Tum pe croron durood.
Kar ke Tumhare gunaah maangein Tumhaari panaah,
Tum kaho daaman mein aa Tum pe croron durood.
Kar do adu ko tabaah haasidon ko ru baraah,
Ahle wila ka bhala Tum pe croron durood.
Hum ne khata mein na ki Tum ne ata mein na ki,
Koi kami Sarwara Tum pe croron durood.
Kaam gazab ke kiye us pe hai Sarkar se,
Bandon ko chashme raza Tum pe croron durood.
Aankh ata kijiye us mein ziya dijiye,
Jalwa qareeb aa gaya Tum pe croron durood.
Kaam wo le lijiye Tum ko Raazi kare,
Theek ho naam e RAZA Tum pe croron durood.

(SALLALLAHU TA'ALA ALAIHI WA SALLAM)

SUBHAN-ALLAH!!!!!!!!!!!!!!!!!