HAR RAAT IBADAT MAY GUJAARNE KA AASAAN NUSKHA

•»HAR RAAT IBADAT MAY GUJAARNE KA AASAAN NUSKHA«•
********************************
ALLAH AJJOWAJJAL Ki Khushnudi Ke Khwaishmandon! Ho Sake To Saara Hi Saal Har Raat May Kuch Na Kuch Nek Amal Zarur Kerlena Chahiye, Ki Na Jane Kab Shab-A-Qadr Hojaye! Har Raat May 2 Farz Namazen Aati Hain, Magrib-O-Isha! Kam-Az-Kam In Dono Namazon Ki Jamaat Ka To Khub Hi Ehtimaam Hona Chahiye! Ki Agar Shab-A-Qadr May Inki Jamaat Nasib Hogayi To Insha-Allah-Wa-Ta'aala Beda Hi Paar Hain! Balki Rozana Isha-O-Fazr Ki Jamaat Ka Bhi Khususiyat Ke Sath Aadat Daal Dijiye!

"Sahi Muslim Sharif" Ki Hadees May Hain Ki Sarkar-A-Madina SALLALLAHU-ALAIHI-WASALLAM Ka Farmaan-A-Alishaan Hain,

"Jisne Isha Ki Namaz Ba-Jamaat Padhi Usne Goya Aadhi Raat Kiyaam Kiya! Aur Jisne Fazr Ki Namaz Ba-Jamaat Ada Ki Usne Goya Puri Raat Kiyaam Kiya!"

ALLAH AJJOWAJJAL Ki Rehmat Ke Talabgaron! Agar Tamaam Saal Yahi Aadat-A-Jamaat Rahi To Shab-A-Qadr May Bhi In Dono Namazon Ki Jamaat Insha-Allah-Wa-Ta'aala Nasib Hojayegi! Aur Raat Bhar Soye Rehne Ke Ba-Wajudh Bhi Insha-Allah-Wa-Ta'aala Shab-A-Qadr May Tamaam Raat Ibadat Karne Ka Sawab Mil Jayega!

(Faizaan-A-Sunnat Pg-1303-04)

********************************