Ye bad-mazhab log sunnio ko sudharne ki badi badi baate karte hain.

Badi lambi baate likhte rehte hain
Aur Har baat me bin zaroori bahes karte rehte hain
Ya ek hi baat pakad kar likhte rehte hain.

Lekin jab Huzoor Rasoolallah sallallahu alaihi wasallam ka naam mubarak likhte hain to saath me pura ‘sallallahu alaihi wasallam’ likhna zaroori nahi samajhte.
Sirf ‘SAW’ ya ‘PBUH’ likh dete hain.

Ya to ye log Pyare Aaqa sallallahu alaihi wasallam ke naam mubarak ko hakeer samajhkar saath me pura ‘sallallahu alaihi wasallam’ likhna zaroori nahi mante
Ya unhe thodi zyada mehnat karne me taklif hoti hai.

Pyare Aaqa Sarware kainat Sallallahu alaihi wasallam ne har haal me ham gunahgar ummatio ko yaad kiya, Wiladat par, Makka me, Madina me, Me’araj me, Gaar me aur Har zulm sehkar hamare liye khuda se dua ki ‘Rabbi habli ummati’.

Aur un ummatio ko aap ke naam mubarak ka adabo eharam karna zaroori nahi lagta.

Hadees :
Hubbur Rasooli sallallaahu alaihi wasallama minal Imaan"
(Sahih Bukhari, Book -2, Page No. 111, Hadees No. 8)

Rasool Allah sallallaahu alaihi wasallam ki mohabbat Imaan hai.

Jab koi mohabbat ke saath Huzoor Rasoolallah sallallahu alaihi wasallam ka naam mubarak ka adabo eharam nahi karna chahe to wo kaise mo’min ho sakta hai?

Is baat par gaur kare aur bin zaroori bahes karna band karke
Pehle is sahi aadat ko apnao

Aur jab bhi Huzoor Pyare Aaqa Rasoolallah sallallahu alaihi wasallam ka naam mubarak likho tab saath me pura ‘Sallallahu alaihi wasallam’ likho.


Allah ta’ala sab ko uske Habeeb sallallahu alaihi wasallam ki sachi mohabbat ata farmae Aur jab bhi aap ka zikr ho saath me pura ‘Sallallahu alaihi wasallam’ likhne ki taufiq ata farmae.