•»MAA KE KADAM«•

*********************
HIQAYAT:-
*********
Ek Roz Ek Shaks Ne Hazrat Abu-Ishaaq Se Zikr Kiya Ki Raat Ko Khwab May Maine Aapki Daadi Yakoot Wa Jawahiraat Se Murassa (Jadi Hui) Dekhi Hain! Abu-Ishaaq Farmane Lage, Tune Sach Kaha Raat Maine Apni Maa Ke Kadam Choome The! Yeh Uski Barkat Hain Aur Fir Ek Hadees Sunayi Ki Huzoor SALLALLAHU-TA'AALA-ALAIHI-WASALLAM Farmate Hain! Khuda-Ta'aala Ne Loh-A-Mehfuz Per Yeh Likh Diya Hain Ki-

"Main Khuda Hoon, Mere Siwa Koi Poojne Ke Layak Nahi, Jis Shaks Ke Walidain Usper Raazi Hoge Main Bhi Usse Raazi Hoon!"

(Nujjahtul-Majalis, Baab Birrul-Walidain, Jild-1, Pg-168)

********************************
SABAK:-
*******
Huzoor SALLALLAHU-TA'AALA-ALAIHI-WASALLAM Ka Irshad Hain Ki Aakhir Zamane May
"Akka-Ummu-Hu-Wa-Ata-A-Jaujat-Hu"
(Mishkaat)
Aadmi Maa Ka Nafarmaan Aur Biwi Ka Taabedar Ban Jayega! Is Kism Ke Logon Se Maa Ke Kadam Choomne Ki Tawakku Abas Hain! Haan Aise Log Biwiyon Ke Kadam Zaroor Choomte Hain! Maa Ke Kadam Choone Ki Barkat Se Hazrat Ishaaq Ki Daadi Yahoot Aur Jawahiraat Se Murassa Hogayi Aur Aajkal Maa Ke Kadmon Se Dur Rehne Ki Ba-Daulat Daadi Gayab Hogayi! Wo Ek Bujurg Insaan Ki Nek Maa Ke Kadmon Ki Barkat Thi Ki Daadi Ke Baalon Se Yakoot Wa Jawahir Jud Gaye Aur Yeh Modern Shoher Ki Modern Biwi Ke Kadmon Ki Nuhusat (Manhusiyat) Hain Ki Daadi Ke Baal Bhi Udgaye!

Mard Hoker Mard Ka Chehra Nahi,
Kyonki Rukh Pe Reshe Ka Sehra Nahi!

********************************

Q. How many things should a Muslim believe in; which are compulsory?
A. There are seven things to believe in, these are mentioned in “Imaan Mufassal”
Amanto billahi wamala ikatihee wakutoobihi wa rusoolihi walyawmil akhiri wal qadri khayrihi washarrihi minAllah I Ta’ala walba’si ba’dal maut”

“I believe in Allah, his Angels, his Books, his Messengers, on the day of judgment, and that goodness and non good things of destiny are all from Allah, and I also believe in being raised from the dead by Allah”.

•»EK SAKHI AURAT«•

**********************
Ek Saleh Shaks (Nek Aadmi) Per Tangdasti Ke Din Aagaye Aur Unke Paas Ek Bakri Ke Siwa Aur Kuch Na Raha! Unki Biwi Badi Nek, Paakbaaz Aur Sakhi Thi! Bakr-Idd Ka Din Aaya To Uske Shoher Ne Bakri Zubah Karne Ka Irada Kiya! Biwi Ne Kaha, Hamko Qurbani Na Karne Ki Ruksat Hain, Yani Hamper Qurbani Wajib Nahi! Shoher Baaz Raha, Uske Baad Kuch Roz Ke Baad Unke Ghar Ek Mehmaan Aaya! Biwi Ne Shoher Se Kaha Ki Mehmaan Keliye Bakri Zubah Kar Daalo! Shoher Is Khayaal Se Ki Bacchon Ko Na-Gawaar Na Guzre, Ghar Se Baaher Lejaker Bakri Zibah Ki! Aurat Ne Jab Ghar May Baithe-Baithe Jo Uper Nazar Uthayi To Kya Dekhti Hain Ki Bakri Deewar Per Fhir Rahi Hain! Yahan Tak Ki Wo Niche Utarker Uske Paas Aagayi, Aurat Ko Gumaan Hua Ki Shayed Bhaag Aayi! Baaher Zhaank Ker Dekha To Bakri Majbuha (Zibah Ke Halat May) Shoher Ke Saamne Padi Payi Usko Nihayat Khushi Hui, Aur Usi Khushi Se Kehne Lagi "SUBHANALLAH" ALLAH Ne Hame Uski Bakri Ke A-waz Aur Acchi Bakri De Di! Us Bakri Ki Khasiyat Yeh Thi Ki Ek Than Se Shahed Aur Dusre Se Dudh Deti Thi!

(Khairul-Mawanis, Babul-Karam Jild-1, Pg-391)

********************************
SABAK:-
*******
Mehmaan Nawazi Badi Acchi Chiz Aur Huzoor SALLALLAHU-TA'AALA-ALAIHI-WASALLAM Ki Sunnat Hain! Us Sakhi Aurat Ne Usper Amal Kiya Aur Tangdasti Ke Aalam May Bhi Apni Bakri Mehmaan Keliye Zubah Karwa Daali! Khuda-Ta'aala Ne Duniya May Bhi Use Yeh Azr Diya Ki Uske A-waz Ek Aisi Bakri De Di Jismay Jannat Ke Manindh Shahed Aur Dudh Ki Nehre Jari Thi Aur Aajkal To Mehmaan Aaye To Auratain Yeh Dekhti Hain Ki Hamare Liye Kya Leker Aaya Hain, Fruit Ki Tokri Bhi Uske Sath Hain Ya Nahi? Agar Nahi To Irshad Hota Hain! Janab Roti Bhi Taiyyar Hain Aur Gaadi Bhi Taiyyar Hain!
********************************

•»EK KHUBSURAT AURAT AUR HAZRAT JUNAID«•

********************************
HIQAYAT:-
*********
Ek Aurat Hazrat Junaid Baghdaadi Alaihir Rehmaan Ke Paas Aaker Kehne Lagi, Mera Shoher Dusra Nikah Karna Chahta Hain! Farmaya, Agar Is Waqt Uske Nikah May 4 Auratain Nahi Hain To Use Dusra Nikah Jayez Hain! Aurat Ne Kaha, Aye Junaid! Agar Gair Mard Ko Auraton Ki Taraf Dekhna Jayez Hota To Main Apna Chehra Kholker Aapko Dikhati Taaki Aap Mujhe Dekhker Kehte Ki Jiske Nikah May Mere Jaisi Khubsurat Aurat Ho Use Mere Siwa Dusri Aurat Ki Taraf Ragbat Karna Layak Hain Ki Nahi?
Hazrat Junaid Baghdaadi Alaihir Rehmaan Aurat Ki Yeh Guftagu Sunker Be-Hosh Hogaye! Jab Hosh May Aaye To Kisine Uska Sabab Pucha! To Farmaya, Mere Zahen May Is Waqt Yeh Khayaal Aaya Ki Haq-Ta'aala Farmata Hain, Agar Duniya May Kisi Ko Mujhe Dekhna Jayez Hota To Main Apna Hijaab Uthaker Usper Jaahir Hojata Ki Wo Mujhe Dekhta, Fir Us Waqt Malum Hota Ki Jiska Mujh Jaisa Rab Ho Uske Dil May Mere Gair Ki Mohabbat Hona Chahiye Ki Nahi?

(Nujjahtul-Majalis, Jild-1, Pg-45)

********************************
SABAK:-
*******
Saccha Musalman Wo Hain Jo Apne Dil May Khuda Hi Ki Mohabbat Rakhe Aur Uske Gair Yani Boothon Wagaira Duniya Ki Mohabbat Dil May Na Aane De! Usi Ke Rasool Ki Ita-at Kare, Usi Ke Nizaam Ko Apnaye Aur Usi Ke Ahkaam Per Chale!
Maulana Roomi Alaihir Rehmaan Ne Likha Hain Ki Ek Aawaara Aadmi Ek Aurat Ke Piche-Piche Chalne Laga! Aurat Ne Jo Dekha Ki Koi Aawaara Uska Picha Ker Raha Hain To Moodker Usse Puchne Lagi! Kya Baat Hain? Jo Tum Mera Picha Kar Rahe Ho? Wo Bola, Mujhe Tumse Mohabbat Hain! Isliye Tumahre Piche-Piche Aaraha Hoon! Aurat Boli, Agar Mohabbat Karni Hain To Meri Choti Bahen Jo Mujhse Zyada Khubsurat Hain Aur Wo Dekho Mere Piche Aarahi Hain, Usse Mohabbat Karo! Aawaara Aadmi Ne Piche Moodker Jo Dekha To Aurat Ne Zor Se Use Laat Maari Aur Kaha, Zhoote Aashiq, Dawaa Meri Mohabbat Ka Aur Dekhta Hain Dusri Taraf? Jao Tumeh Aazma Liya! Tum Aawaara Aadmi Ho! Sacche Aashiq Nahi!
Isi Tarah Jo Shaks Padhta To "La-Ilaha-Illallah-Mohammadur-Rasoolullah" Aur Dekhta Ho Kisi Aur Leader Wa Nizaam Ki Taraf.... To Jaan Lijiye! Wo Nakaara Aadmi Hain Aur Zhoota Musalman!

Dawaa Islam May Sacche Ho Agar,

Gair Ki Jaanib Uthe Fir Kyon Nazar!

********************************

•»EK CHALAAK AURAT KI KASAM«•

********************************
HIQAYAT:-
*********
Bani Israyil Ke Yahan Ek Pahaad Tha Jise Wo Badi Azmat Wala Samajhte The, Aur Uski Badi Taazim Wa Taukir (Izzat) Karte The, Aur Agar Kisi Baat Ka Faisla Karte Waqt Kasam Khane Ki Baat Aati To Us Pahaad Per Chadker Kasam Khaate The! Jo Us Pahaad Per Jaker Kasam Kha Leta Use Wo Saccha Samajhte The! Us Shaher May Ek Aurat Badi Khubsurat Thi! Jiska Ek Naujawan Se Na-Jayiz Taallukaat Paida Hogaye! Aurat Ne Use Apne Makaan May Bula-Bulaker Milna Shuru Kerdiya! Shoher Ko Shak Paida Hogaya Aur Use Kaha Ki Mujhe Shak Hain Ki Meri Gair-Haaziri May Koi Tumahre Paas Aata Hain! Aurat Ne Inkaar Kiya To Shoher Ne Kaha, Agar Tu Sacchi Hain To Pahaad Per Chalker Kasam Kha Le Ki Tumahra Kisise Na-Jayez Taallukaat Nahi Hain! Aurat Ne Kaha, Haan! Main Kal Pahaad Per Chalker Kasam Khane Ko Taiyyar Hoon! Shoher Baaher Gaya To Wo Apne Aashiq Ko Bulaker Kehne Lagi Ki Kal Tum Pahaad Ke Niche Ek Gadah Leker Khade Rehna! Main Aur Mera Shoher Pahaad Per Chadne Keliye Wahan Se Guzrege Aur Main Shoher Se Kahungi Ki Pahaad Per Chadte Hue Thak Jaoungi! Is Bahane Tumahra Gadah Kiraye Per Leker Main Usper Sawaar Hoker Pahaad Per Chadungi! Tum Gadeh Wale Ka Bhes Badalker Wahan Maujudh Rehna Aur Gadeh Per Mujhe Sawaar Karke Mere Sath-Sath Chalna!
Chunanche, Dusre Roz Jab Miyan-Biwi Pahaad Per Chadne Keliye Ghar Se Nikle Aur Chalte-Chalte Pahaad Ke Paas Pahuche To Wahan Uska Aashiq Gadeh Wale Ke Bhes May Gadah Liye Khada Tha! Aurat Ne Shoher Se Kaha, Chalte-Chalte Mere Pau May Chaale Padgaye Hain, Mujhe Yeh Gadah Kiraye Per Sawaari Keliye Le Do! Mujhse To Ab Ek Kadam Bhi Chala Nahi Jata! Shoher Ne Gadeh Wale Se Kiraya Mukarrar Kiya Aur Biwi Ko Gadeh Per Sawaar Karke Teeno Pahaad Per Chadne Lage! Jab Wo Jagah Aayi Jahan Log Kasmay Khaate The, To Us Makkaar Aurat Ne Apne Aapko Gadeh Se Niche Gira Diya, Aur Us Girne May Apni Raan Wagaira Kaabil-A-Satar Badan Bhi Nangga Kerdiya! Aur Aisi Surat Paida Ker Dikhayi Ki Shoher Ne Yahi Samjha Ki Gadeh Se Ittefaqan Girgayi Hain, Aur Girte Hue Ittefaqan Nanggi Hogayi! Zhat Uthi Aur Apna Libaas Durust Karke Pahaad Ki Us Kasam Wali Jagah Par Khadi Hoker Kehne Lagi, Main Kasam Khaati Hoon Ki Mere Nangge Badan Ko Aajtak Tumahre Siwa Bujuj Is Gadeh Wale Ke Aur Kisine Nahi Dekha! Shoher Mutmayin Hogaya, Kyonki Usne Yeh Samjha Ki Is Gadeh Wale Ne Use Gadeh Se Girte Hue Uska Nangga Badan Ittefaqan Dekha Hain!

(Nujjahtul-Majalis, Babul-Imamat, Jild-2, Pg-6)
(Hayatul-Haiwaan, Jild-1, Pg-208)

********************************
SABAK:-
*******
Aurat Jab Makar Wa Fareb Per Aajaye To Shaitaan Ke Bhi Kaan Katar Leti Hain, Aur Mard Ko Be-Wakoof Bana Daalti Hain! Yeh Tarakki Ka Zamana Hain Aajkal Ki Modern Aurat Kaafi Tarakki Ker Chuki Hain! Purani Makkaar Aurat Ne Apne Aashiq Ko Gadah Bana Diya Tha, Aur Aajkal Ki Magrib-Zada Auraton Ne Shoher Ko Gadah Bana Diya Hain! Jahan Chahe Use Haank Ker Lejaye!

Maulwi To Apne Ghar May Haakim Wa Maqdoom Hain,

Aur Upto Date Shoher Banda-A-Bedaam Hain!

********************************

•»GOONGI LAUNDI«•

*********************
HIQAYAT:-
*********
Wahab Bin Mamba Kehte Hain, Maine Ek Goongi Laundi Kharidi! Ittefaaq Se Kuch Arse Ke Baad Wo Bilkul Saaf Bolne Lagi! Jab Maine Uska Sabab Pucha To Kehne Lagi, Maine Raat Ko Khwab Dekha Ki Tamaam Duniya Aag Ka Ek Angara Bangayi Hain, Jisme Se Hoke Jannat Ka Raasta Jata Tha Aur Itne May Dekhti Hoon Ki Hazrat Musa Alaihi Salam Us Raaste Se Guzar Rahe Hain Aur Aapke Piche-Piche Yahudi Chale Jarahe Hain! Jab Aap Thodi Dur Pahuche To Piche Moodker Yahudiyon Ko Dekha Aur Farmaya, Maine Tumse Kab Kaha Tha Ki Tum Yahudi Hojao? Yeh Sunker Wo Sab Dayen-Bayen Girpade!
Fir Isa Alaihi Salam Tashrif Laye Aur Aapke Piche Nasara Chale Jarahe The! Aapne Bhi Is Mauka Per Pahuchker Piche Moodker Farmaya, Maine Tumeh Kab Hukm Kiya Tha Ki Tum Nasrani Banjao? Yeh Bhi Isi Tarah Dayen-Bayen Girpade!
Uske Baad Sayyadul Ambiya Hazrat Mohammad Mustafa SALLALLAHU-TA'AALA-ALAIHI-WASALLAM Tashrif Laye Aur Aapke Sath Aapki Ummat Bhi Thi! Aapne Unki Taraf Mutawajjeh Hoker Farmaya, Maine Hukm Kiya Tha Ki Tum Khuda Per Imaan Lao, So Tumne Mere Hukm Ki Takmil Ki Aur Imaan Le Aaye! Ab Tum Kuch Khauf Na Karo, Balki Jannat May Pahuchker Khushiyan Manao! Jiska Duniya May Tumse Wadah Kiya Gaya Tha!
Chunanche, Yeh Log Aapke Piche-Piche Guzar Gaye! Yahan Tak Ki Jannat May Dakhil Hogaye, Lekin Main 2 Auraton Ke Sath Dozak Ke Kinare Per Khadi Baaki Reh Gayi, Itne May Dozak Ke Daroga Ko Khuda Ka Hukm Pahucha Ki Dono Auraton Se Daryaft Karo Ki Kabhi Unohne Quraan Bhi Padha Tha! Ek Farishte Ne Unse Pucha To Dono Ne Kaha Ki Hamne Sur-A-Fateha Padhi Hain! Hukm Hua Tum Dono Jannat May Chali Jao, Bas Main Yeh Manzar Dekhker Jaag Uthi To Meri Zubaan Saaf-Saaf Bolti Thi! Ab Main Thik Hoon! Mere Aaka Mujhe Bhi Sur-A-Fateha Padha Dijiye!

(Nujjahtul-Majalis, Jild-2, Pg-198)

********************************
SABAK:-
*******
Jannat Ka Raasta Jahannam Ke Uper Se Hain Aur "In-Minkum-Illa-Wari-Duha" Ke Mutabik Sabko Is Raaste Se Guzarna Hain! Kaafir To Is Raaste Se Guzarte Hue Dayen-Bayen Gir Jayege Magar Huzoor SALLALLAHU-TA'AALA-ALAIHI-WASALLAM Ke Gulaam Jab Is Raaste Se Guzrege To Hamare Huzoor Ki Mohabbat Wa Dua Hamare Sath Hogi Aur Huzoor Apne Gulamon Ke Salamati Se Guzar Jane Ki Dua Farmate Hoge, Chunanche Aala Hazrat Farmate Hain-

Raza Pool Se Ab Wajd Karte Guzariye,

Ki Hain Rabbe Sallim Dua-A-Mohabbat!
(SALLALLAHU-TA'AALA-ALAIhI-WASALLAM)

Aye Mere Bhaiyon Aur Behno, Jahannam Se Daro,

Usse Bachne Keliye Quraan Padho!

********************************

•»HABSHEEN LAUNDI«•

*************************
HIQAYAT:-
*********
Ek Din Haroon Rashid Ne Apne Khidmatgaron Per Ashrafiyan Nichawar Ki, Tamaam Laundi Gulamon Ne To Looti Magar Ek Habsheen Laundi Ne Unki Taraf Dyaan Bhi Na Kiya! Haroon Rashid Ne Usse Uska Sabab Pucha, To Usne Jawab Diya, Aye Baadshah! Main Dirham Wa Dinaar Ki Parwah Nahi Karti! Main To Dirham Wa Dinaar Wale Ko Chahti Hoon! Jiske Aap Hogaye Sab Kuch Usi Ka Hain!
Haroon Rashid Is Jawab Se Itna Khush Hua Ki Use Apne Nikah May Le Liya!

(Nujjahtul-Majalis, Jild-1, Pg-116)

********************************
SABAK:-
*******
ALLAH Ka Nek Aur Ba-Wafa Bande Wo Hain Jo Duniyawi Daulat Wa Maal Ki Taraf Dyaan Na Kare! Daulat Wa Maal Ke Khalik Wa Maalik ALLAH Ko Chahe! Aise Bande Ko Khuda Apni Panah May Le Leta Hain Aur Khuda Ka Hojane Ke Bayis Saari Khudayi Uski Hojati Hain!
Yeh Kirdaar Tha Ek Habsheen Aurat Ka Aur Aajkal Ki Modern Aurat Ka Kirdaar?

Use Kya Garaz Shoher Ki Chah Se,

Use Agar Pyaar Hain To Uski Tankhwa Se!

********************************

♥ ♥ As Salaamu Alaykum Warahamath Ullahi Wabarakata hu ♥ ♥
♥ ♥ To All my dear Sisters ♥ ♥


♥ ♥ ♥ ♥ Aye meri baheno sukr karo♥ ♥ ♥ ♥
Do Khandan
Ek Dusre Sy NaWaqif The
Tumhe Dekha
Pasand Kiya
Jholi Pailakr Manga
Tumhari Aamad Pr Khush Aamdaid Kaha
Tumhe DiL Me Jagah Di.

Andheri Rat Me Charag Sy Fayda Tabhi Hota Hai Jab Apni Ankhen Khuli Hon
Sasural Walo Ki Achai Sy Fayda Utha Sakogi Jab Tum Khud Achi Bano..

AURAT Ka SabSy Qimti Sarmaya IZZAT Hy
& IZZAT Tou
ALLAH Ka Naam Hy.
Is Nisbat Ko Qaaim Rakho
Ek TUM
Baap,Bhai,Shaoh ar,
Khandan Ki
IZZAT Ho.

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥
Ay Khatoon!
Apne Naye Ghar Ke Naye Mahaol Me
Ache Taor-Tareeq,
DiL-Kash Zubaan,
Jazba e Iisaar,
Har Dam Muskurate Chehre Say
Jagah Banao...!

Har Ma-Bap Apni
BETI Ke Liye Behtar
Sy Behtar Rishte Ka
Intikhab Krte Hain,
Lekin Kaamyabi Ki Zamant DarAsl
BETI Ki Apni
Salahiyyat Hoti Hy


Ye Wo Khubiyan Hain Jin Par Amal KarKe BAHU,Sab Ko Apna Garwida Bana Leti&Apne Naye Ghar Ko Jannat Ka Namuna Bana Kar Malika Ban Jati Hai.

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

Aa Meri Qaum Ki Shahzadi Ujala Lekr,
Qaum K Waste Paigam Nirala Lekr
Maine 100Bar Jagaya NaJage Ghafil,
Tu Jaga De Inhe Mazi Ka Hawala Dekr.

AyKhatoon!
Jo Aram&Azadi Tumhe Ma-Bap K Ghar Mayassr Thi,
Wo Sasural Me Nhi Mil Skti.
Nadan Ladkiya Shikayat Karti Hain Ki Hum QAID Hogaye

Maana Sasuraal Me Azadi Kam Hojati Hai,
Ye IsLiye Nahi Ki Tum QAID HoGain,
BaLki
Isliye Ki Ghar Ke Members Tum Par Munhasir(depend ) Hogaye

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

Aurat Ke Haath Lambe
Aur Zuban Chhoti Honi Chahiye,
Matlab Use Kaam,Khidmat Zyada
Aur
Bolna Kam Chahiye, Taki Wo Achchi Nazar Sy Dekhi Jaye.

Khamosh Tabi'at Aurat Ki
Zururataon Ka Gharwaale Khud Khayal Rakhte Hain,
Uski Pasandida Cheezen Begair Frmaish Ke Faraham Kardi Jati Hain.

AyBeti! Khidmat Aisa Jaadu Hy
JisSy Dilon Ko Jita JaSkta Hy
Ye Ek Aisa Jauhar Hy
Jo Insan Ki Qeemat Badha Deta Hai.
Ise Hamesha Kaam Me Lana.


♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

Ladkiya Apne Sasural Sy Dari-Dari Rehti Hain
&Iske Muqable Me Baat Baat Par
Apne Maike Walo Ka Dum Bharti Hain,
Yeh Aadat Jhagde Ki Wajah He


HUZUR PAK Ke Frman Ke Mutabiq
JabTak Aurat/Ladki Khud RAZI Naho Koi Bad-Bakht Mard Uspar QABU Nhi PaSakta
School/Colg Me Ladko Sy Dur Rahiye


♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

(Daughter of ISLAAM)
DUKHTAR E ISLAM >
>Hmesh Sar Dhakne
Wali,
>Nichi Nigahon
Wali,
>Ahista Kalaam
KrneWali
>Zikr O Tilawat
KrneWali
>Kam Baate KrneWali
Hoti Hai

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥




Khile hai sehre ke phool ya Rab,
Yun zindagi bhar khilaae rakhna,
Hara bhara hai gulshane mohabbat,
Sajaa e rakhna sajaa e rakhnaa.

Nikhah sunnat hai Mustafaa ki,
Hai isme marzi mere khudaa ki,
Ke zindagi ke kadam kadam par,
Tu inki Himmat barhaaye rakhna.

Kabhi khudaayaa woh din bhi aaye,
Ye pyara jodaa MADEENE ko jaaye,
Karey ita'at Nabi ki har dam,
MADEENA dil me basaa e Rakhna.

Ilaahi Rizwaan ki Iltijaa hai,
Ye dulhaa dulhan teri ataa hai,
Ilaahi inka kadam kadam par,
Gulon se daman sajaa e rakhna.
-King.$zd



♥ ♥ ♥ ♥ ♥ RAZA NETWORK ♥ ♥ ♥ ♥ ♥